საქართველოს პარლამენტის წევრი, ,,სტრატეგია აღმაშენებლის“ გენერალური მდივანი, პაატა მანჯგალაძე პოლიტიკურ შეფასებას აკეთებს ,,ქართული ოცნების“ თავმჯდომარის, ირაკლი კობახიძის ანგარიშის წარდგენასთან დაკავშირებით, რომელიც ეხება ევროპული საბჭოს 12 პუნქტიანი რეკომენდაციის შესრულების პროცესს:
,,შეიძლება მესამე კლასში მქონოდა განცდა, 12 დავალებიდან 3 შეგვესრულებინა, რომ მასწავლებელი უსამართლოდ მომექცა. 9 მაინც ჰქონდეთ გაკეთებული და 3 შესასრულებელი?! 3 აქვთ გაკეთებული და იძახიან – ,,ბურთი არის ევროპის მხარეს“. ბურთი ევროპის მხარეს როგორ არის?!
უტიფრად გამოდიხართ და იძახით – ,,ევროპის ბრალია“. არაფერი არ აქვთ გაკეთებული, რა უნდა თქვას კობახიძემ? რა უნდა ილაპარაკოს? ისევ უნდა მოატყუოს ხალხი. უნდა თქვას, რომ დასავლეთს უნდა არეულობა, ქაოსი და რუსეთი არის ჩვენი მეგობარი. ეს არის რუსული საქმე“, – განაცხადა პაატა მანჯგალაძემ.
ავტორი
ნინი ხიჯაკაძე
