“რუსი ოლიგარქი, ივანიშვილის მთავრობა არ აძლევს შესაძლებლობას სპეციალურ სამედიცინო მისიას, რომ მიხეილ სააკაშვილთან შევიდეს” – ირაკლი ნადირაძე

3 ივლისს იუსტიციის სამინისტროსთან საქართველოს მე-3 პრეზიდენტის მხარდამჭერი აქცია გაიმართა. მიხეილ სააკაშვილის ჯანმრთელობის მდგომარეობასთან დაკავშირებით მწვავე კომენტარს აკეთებს თბილისის საკრებულოს ფრაქცია ,,ერთიანი ნაციონალური მოძრაობის” თავმჯდომარე ირაკლი ნადირაძე და აღნიშნავს, რომ ხელისუფლება პრობლემებს უქმნის პოლონელ ექიმებს, რომ მოინახულონ მიხეილ სააკაშვილი:

,,ამ დრომდე რუსი ოლიგარქი, ივანიშვილის მთავრობა არ აძლევს შესაძლებლობას ამ სპეციალურ სამედიცინო მისიას, რომ მიხეილ სააკაშვილთან შევიდეს.

რატომ აკეთებს ამას ივანიშვილი? – იმიტომ, რომ არ უნდათ დაიდოს ობიექტური, კვალიფიციური დასკვნა მიხეილ სააკაშვილის ჯანმრთელობის უმძიმესი მდგომარეობის შესახებ.

ასევე, ამ დრომდე, რამდენიმე თვეა, რაც მიხეილ სააკაშვილთან არ უშვებენ არც ევროპარლამენტარებს, არც საქართველოს პარლამენტის წევრებს”, – განაცხადა ირაკლი ნადირაძემ.

ავტორი
ნინი ხიჯაკაძე