მიხეილ საააკაშვილის დღევანდელი ფიზიკური მდგომარეობის ამსახველი კადრების ნახვის შემდეგ, სოციალურ ქსელში სპეციალურ განცხადებას ავრცელებს უკრაინის პრეზიდენტი ვოლოდიმირ ზელენსკი და კონკრეტულ გადაწყვეტილებებს იღებს:
“ზუსტად ახლა რუსეთი, ქართული ხელისუფლების ხელით, კლავს უკრაინის მოქალაქეს, მიხეილ სააკაშვილს.
ჩვენ არაერთხელ მოვუწოდეთ ოფიციალურ თბილისს შეწყვიტოს ეს ბოროტება და მოხდეს სააკაშვილის უკრაინაში დაბრუნების თაობაზე შეთანხმების მიღწევა. ჩვენმა პარტნიორებმა, უკრაინასთან კოორდინაციით, ასევე შესთავაზეს მისი გადარჩენის სხვადასხვა ვარიანტი.
დღეს მე დავავალე საგარეო საქმეთა სამინისტროს დაიბაროს საქართველოს ელჩი უკრაინაში, მის მიმართ გამოთქმული იქნას მტკიცე პროტესტი და შესთავაზონ უკრაინის დატოვება 48 საათის განმავლობაში, რათა თბილისში გამართოს შესაბამისი კონსულტაციები.
კიდევ ერთხელ მოვუწოდებ საქართველოს ხელისუფლებას, გადასცეს უკრაინას მისი მოქალაქე მიხეილ სააკაშვილი, აუცილებელი მკურნალობისათვის.
და მეც მოვუწოდებ ჩვენს პარტნიორებს გაერკვნენ შექმნილ სიტუაციაში გადაარჩინონ ეს ადამიანი.
ევროპის არცერთ ხელისუფლებას არ აქვს უფლება სიკვდილით დასაჯოს ადამიანები, სიცოცხლე – ევროპული საბაზისო ღირებულებაა“, – აცხადებს ვოლოდიმირ ზელენსკი.