პარტია ,,ქართული ოცნების“ თავმჯდომარე, ირაკლი კობახიძე კომენტარს აკეთებს პოლარიზაციასთან დაკავშირებით და აღნიშნავს, რომ მისი ერთ-ერთი გამღვივებელი ,,მთავარი არხის“ დამფუძნებელი, ნიკა გვარამია იყო. მმართველი პარტიის ლიდერის განცხადებით, გვარამიას გათავისუფლება გულისხმობს პოლარიზაციის გაზრდის რისკებს:
,,გვარამია იყო ამ ქვეყანაში ერთ-ერთი მთავარი პოლარიზატორი, ვინც აღვივებდა პოლარიზაციას. გახსოვთ მისი ბილწსიტყვაობა პირდაპირ ეთერში, ათასი უბედურება, რასაც ის ლაპარაკობდა, მათ შორის, სალომე ზურაბიშვილზე და ა.შ.
ეს ადამიანი, რომელიც იყო პოლარიზაციის მთავარი გამღვივებელი ქვეყანაში, როცა გამოდის გარეთ, რა თქმა უნდა, ეს ნიშნავს იმას, რომ რისკები მისი მხრიდან პოლარიზაციის გაღვივების კუთხით იზრდება.
მე არ მაქვს, მაინც და მაინც, დიდი წარმოდგენა იმასთან დაკავშირებით, რომ გვარამიას რაღაცა განსაკუთრებული ძვრების გამოწვევა შეუძლია პოლიტიკაში, მაგრამ თავის პატარა წვლილს, ბუნებრივია, პოლარიზაციის გაღვივებაში შეიტანს.
ასეთ პირობებში, როდესაც პრეზიდენტს შეფასება არც კი გაუკეთებია გვარამიას დანაშაულთან დაკავშირებით და იწყალებს მას, ეს თავისთავად, უკვე ნიშნავს პოლარიზაციის მხარდაჭერას.
ერთადერთი წელი, როცა ის არ ბილწსიტყვაობდა იყო, როცა ციხეში იჯდა. დანარჩენი სულ ბილწსიტყვაობდა“, – განაცხადა ირაკლი კობახიძემ.
ავტორი
ნინი ხიჯაკაძე
