„დიახ, იმ მთავრობის პირობებში გიორგი ვაშაძე აკეთებდა ძალიან კარგ საქმეს საქართველოსთვის მინისტრის მოადგილის პოზიციიდან, უფრო მაღალი პოზიციიდან კიდევ უფრო მეტს გააკეთებს“, – ასე უპასუხა „სტრატეგია აღმაშენებლის“ გენერალურმა მდივანმა, პაატა მანჯგალაძემ საპარლამენტო უმრავლესობის წევრის, ირაკლი კობახიძის განცხადებას, რომ ადეიშვილის ყოფილი მოადგილის, გიორგი ვაშაძისა და მაშინდელი რეჟიმის სხვა წარმომადგენლების გამო ცესკო-ში ხელოვნური კრიზისი არ უნდა შეიქმნას.
როგორც ოპოზიციონერი დეპუტატი აღნიშნავს, ირაკლი კობახიძე და უმრავლესობის სხვა წარმომადგენლები შეკითხვებს გაურბიან. მისივე თქმით, გიორგი ვაშაძე წინა ხელისუფლების პირობებში იყო არაერთი რეფორმის ავტორი, რომლის წარმატებასაც აშშ და მთელი დასავლური სამყარო აღნიშნავდა:
“სამწუხაროა რომ ირაკლი კობახიძე საბოლოოდ ჩამოყალობდა რუს პროპაგანდისტად. მაშინ როცა ჩვენ შეკითხვებს გაურბიან პრემიერ-მინისტრი და უმრავლესობის ლიდერები, პასუხების ნაცვლად საუბრობენ რომ თურმე მთავარი პრობლემა ყოფილა ის, რომ გიორგი ვაშაძე მუშაობდა იუსტიციის მინისტრის მოადგილედ რა დროსაც ის კურირებდა იუსტიციის სახლის რეფორმას ბევრ კარგ, პროფესიონალ ადამიანთან ერთად, რომელზეც საუბრობდა როგორც ამერიკის იმ დროინდელი სახელმწიფო მდივანი, ჰილარი კლინტონი, ასევე ამ რეფორმაზე საუბრობდნენ ინგლისის პარლამენტში, როგორც სამაგალითოსა და წარმატებულზე.
დიახ, იმ მთავრობის პირობებში გიორგი ვაშაძე აკეთებდა ძალიან კარგ საქმეს საქართველოსთვის მინისტრის მოადგილის პოზიციიდან. უფრო მაღალი პოზიციიდან კიდევ უფრო მეტს გააკეთებს.
მივმართავ კობახიძეს, არ გრცხვენია? ამის გამო არ გვიღებენ ევროპაში? ამის გამო შიმშილობენ ბავშვები? ამის გამო არ არის სამუშაო ადგილები? ამის გამო გარბიან ქვეყნიდან ? ამის გამოა შემცირებული შობადობა? ამის გამო ძარცვავთ ისედაც ღარიბ ქავეყანას?
ამ კითხვებს უნდა უპასუხოთ, თორემ ხალხმა ისედაც კარგად იცის, ვის რა გაუკეთებია და ვინ რისი გამკეთებელია.
ქოცობა სირცხვილია!
ქოცობა დანაშაულია!“ – განაცხადა პაატა მანჯგალაძემ.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
