“ეროვნული ბანკის დამოუკიდებლობა, რომელიც გარანტირებულია არა ნათია თურნავას პირადი ნებით, არამედ კონსტიტუციით და კანონმდებლობით, იქნება ხელშეუხებელი და დაცული” – ნათია თურნავა

ეკონომიკის ყოფილი მინისტრი, ეროვნული ბანკის პრეზიდენტის მოვალეობის შემსრულებელი, ნათია თურნავა ჟურნალისტებთან კომენტარს აკეთებს ეროვნული ბანკის მუშაობის პროცესა და პრინციპებთან დაკავშირებით:

,,რაც შეეხება ეროვნულ ბანკთან დაკავშირებით დისკუსიას, დიახ, იყო აზრთა სხვადასხვაობა. გადაწყდა იმდაგვარად, რომ უზრუნველყოფილია სტრუქტურულად ეროვნული ბანკის მენეჯმენტის სტაბილურობა, რაც ჩემი აზრით, კარგია, როგორც ეროვნული ბანკისთვის, ასევე – ჩვენი ქვეყნის საფინანსო სისტემის სტაბილურობისთვის.

ჩვეულებრივ რეჟიმში ვაგრძელებთ თანამშრომლობას ხელისუფლების ყველა შტოსთან ჩვენი მანდატის ფარგლებში.

დარწმუნებული ვარ და ყველას ვარწმუნებ, რომ ეროვნული ბანკის დამოუკიდებლობა, რომელიც გარანტირებულია არა ნათია თურნავას პირადი ნებით, არამედ კონსტიტუციით და კანონმდებლობით, იქნება ხელშეუხებელი და დაცული”, – განაცხადა ნათია თურნავამ.

ავტორი
ნინი ხიჯაკაძე