“ეს არის იმ გულდაწყვეტილი მთავრობის რეაქცია, რომელსაც ძალიან სწყინს, რომ პრეზიდენტი სააკაშვილი ვერ მოკლა” – გიორგი ჩალაძე

,,ერთიანი ნაციონალური მოძრაობის“ პოლიტიკური საბჭოს წევრი, მიხეილ სააკაშვილის გათავისუფლების შტაბის ხელმძღვანელი, გიორგი ჩალაძე კომენტარს აკეთებს, საქართველოს მე-3 პრეზიდენტის მკურნალობის პროცესთან დაკავშირებით. მისი აზრით ხელისუფლება მიზანმიმართულად აფერხებს კონკრეტული სამედიცინო მისიის სააკაშვილთან დაშვებას:

,,გაგზავნილია შესაბამისი შეტყობინებები ყველა სამინისტროში, მაგრამ გუშინ აღმოჩნდა, რომ თურმე ახლა საჭირო არის ,,ვივამედის“ თანხმობა პრეზიდენტ სააკაშვილის ჯანმრთელობის საკითხში, რომ ჩაერთოს ის სამედიცინო მისია, რომელიც ბრიუსელში 27 ქვეყნის ხელმძღვანელის გადაწყვეტილებით შეთანხმდა საქართველოს მთავრობასთან.

მეგობრებო, ეს არის რეალური უარი ევროკავშირისთვის. ეს არის იმ გულდაწყვეტილი მთავრობის რეაქცია, რომელსაც ძალიან სწყინს, რომ პრეზიდენტი სააკაშვილი ვერ მოკლა იმ მძიმე მოწამლვის და არაადამიანური მოპყრობის შედეგად, რომელიც დღეს, რუსეთის ტყვეობაში იმყოფება. ის არის სამხედრო ტყვე.

,,ერთიანი ნაციონალური მოძრაობა“ აანონსებს ორშაბათს, 12:00 საათზე, იუსტიციის სამინისტროსთან აქციას მოთხოვნით, უზრუნველყონ ევროკავშირის მოთხოვნის, დემარშის პირობების შესრულება“, – განაცხადა გიორგი ჩალაძემ.

ავტორი
ნინი ხიჯაკაძე