,,საფარის“ აღმასრულებელი დირექტორი, ბაია პატარაია განმარტებებს აკეთებს, არასამთავრობო ორგანიზაციების მხრიდან, ,,ქართული ოცნების“ ქალთა ორგანიზაციის გამგეობის თავმჯდომარის, ნინო წილოსანის, გენდერული თანასწორობის საბჭოს ხელმძღვანელის პოზიციიდან გადაყენების მოთხოვნასთან დაკავშირებით:
,,ბოლო პერიოდში ძალიან მკვეთრად გამოჩნდა, რომ ნინო წილოსანი პარტიულ ინტერესებს ყოველთვის უფრო მაღლა აყენებს, ვიდრე თანასწორობაა და რასაც თანამდებობრივად უნდა აკეთებდეს.
ბოლო წვეთი იყო, როდესაც მამუკა მდინარაძეს მოუწოდა, რომ ანი წითლიძის წინააღმდეგ გამოეყენებინა ძალადობა და შეესრულებინა მუქარა ფიზიკური ძალადობის.
ქალი, რომლისთვისაც ფიზიკური ძალადობა კი არ არის წითელი ხაზი, არამედ კრიტიკაა პრორუსულობასთან დაკავშირებით, ცხადია, არ უნდა იკავებდეს ისეთ მნიშვნელოვან თანამდებობას, როგორიც არის გენდერული თანასწორობის საბჭოს ხელმძღვანელი“, – განაცხადა ბაია პატარაიამ.
ინფორმაციისთვის: აღნიშნულ საკითხთან დაკავშირებით ჟურნალისტებთან კომენტარში შეფასება-განმარტებები გააკეთა ნინო წილოსანმა:
,,მაშინ, როდესაც ევროკომისიამ 12 რეკომენდაციის ფარგლებში, 3 რეკომენდაციიდან ერთ-ერთი სრულად შესრულებული გენდერული თანასწორობის რეკომენდაცია შეაფასა, არ არის გასაკვირი, რომ ის ორგანიზაციები, რომლებიც არ გულშემატკივრობენ ამ პროცესებს მოითხოვენ ჩემი, როგორც საბჭოს ხელმძღვანელის გადადგომას“, – განაცხადა ნინო წილოსანმა.
ავტორი
ნინი ხიჯაკაძე
