“ეს იმას ნიშნავს, რომ დიპლომატიური არხებით მუშაობამ არ გაჭრა” – რომან გოცირიძე სანქციებისთვის გვერდის ავლასთან დაკავშირებით

საქართველოს პარლამენტის წევრი, რომან გოცირიძე განმარტებებს აკეთებს, სანქციებზე მომუშავე, დასავლეთის მაღალი თანამდებობის პირების ვიზიტთან დაკავშირებით, რომლის მიზანიცაა საქართველოს ხელისუფლებასთან კონკრეტული საკითხების განხილვა, რომ რუსეთი არ დაუძვრეს დასავლეთის სანქციებს:

,,საქართველოდან სანქცირებული ტვირთები შედის [რუსეთში]. ამიტომ არის დიდი ინტერესი საქართველოს მიმართ. შემთხვევით არ არის ის ფაქტი, რომ როგორც სახელმწიფო დეპარტამენტში – 1 თუ 2 კვირის წინ გაკეთებული განცხადება, ისევე, როგორც დღეს და სხვა დროსაც ვიზიტები დასავლეთის მაღალი თანამდებობის პირებისა. ეს იმას ნიშნავს, რომ დიპლომატიური არხებით მუშაობამ არ გაჭრა.

საქართველოში უკვე ღიად მოდიან იმისათვის, რომ ეს პროცესი ერთი მხრივ იყოს საჯარო, მეორე მხრივ – გამოყენებული იქნას ბერკეტები, რათა რუსეთი არ დაუძვრეს დასავლეთის სანქციებს“, – განაცხადა რომან გოცირიძემ.

ავტორი
ნინი ხიჯაკაძე