ჩვენ არაფრის შეთავაზების ინტერესი არა გვაქვს, შეგვიძლია შევთავაზოთ, რომ დარჩნენ ქუჩაში – ირაკლი კობახიძე

37

საქართველოში აკრედიტებული დიპლომატიური კორპუსის ინიციატივით, სასტუმრო “ბილტმორში”, შედგა ხელისუფლებისა და ოპოზიციის წარმომადგენლების შეხვედრა ქვეყანაში არსებული სიტუაციისა და საარჩევნო სისტემის განხილვის მიზნით. შეხვედრის დაწყებამდე პარლამენტი ყოფილმა თავმჯდომარემ, ჟურნალისტებთან საუბრისას, განაცხადა რომ ხელისუფლებას არაფერი აქვს შესათავაზებელი ოპოზიციისათვის. ირაკლი კობახიძის აზრით ოპოზიცია თუ დარჩება ქუჩაში ეს ხელისუფლებისთვის მომგებიანი იქნება:

ჩვენ არაფრის შეთავაზების ინტერესი არა გვაქვს, ჩვენ შეგვიძლია შევთავაზოთ, მაგალითად, დარჩნენ ქუჩაში. პოლიტიკურად ჩვენ ეს უფრო მეტად გვაწყობს, თუ ქუჩაში დარჩებიან, იმიტომ რომ ისინი განიცდიან ყოველდღიურ რეგრესს.

არის შემოთავაზებული გერმანული მოდელი, რასთან დაკავშირებითაც ჩვენ გვაქვს ძალიან ცხადი და მკაფიო პოზიცია. სამართლებრივი პოზიცია, პირველ რიგში. მზად ვართ, რომ ამაზე ვისაუბროთ, რა თქმა უნდა, ოპოზიციის წარმომადგენლებთან. გვაქვს ძალიან მკაფიო და მყარი არგუმენტები, იმასთან დაკავშირებით, თუ რატომ ეწინააღმდეგება “გერმანული მოდელი” საქართველოს კონსტიტუციას“, – განაცხადა ირაკლი კობახიძემ.

კომენტარები