წლების განმავლობაში პოლიტიკაში მყოფთა შესახებ საუბრობს პარტია “კანონი და სამართლის” თავმჯდომარე, თაკო ჩარკვიანი და აღნიშნავს, რომ ისინი, ვინც მრავალი წლის განმავლობაში პოლიტიკაშია და ღირებული ვერაფერი შექმნა, თაღლითები არიან და უნდა წავიდნენ პოლიტიკიდან:
“მეგობრები მწერენ ხშირად, აღარ შეგვიძლია 30 წელი ერთი და იგივე “ნაცნობ-ნათაღლითარი” სახეების ყურება პოლიტიკაშიო, ზუსტად მესმის – მეც აღარ შემიძლია!!! მეტიც- აუტანელია!
ჰოდა, სწორედ მაგიტომაც გვინდა და გვჭირდება ეს პროპორციული არჩევნები და ნორმალური საარჩევნო გარემო და არ მგონია ხალხმა კვლავ ცხვირი “მიაყნოსიოს” რუსეთუმე – მომპარავებს ხელისუფლებაში, გამორიცხულია!
კოალიციური მთავრობა – რეფორმებით, მთლიანად შეცვლის (უკეთესობისკენ ცხადია) ვითარებას ქვეყანაში და მისცემს ქვეყანას განვითარების საშუალებას!
ყველაფერი კარგად იქნება – მრავალგზის “ნათაღლითარი პოლიტიკანკების” თუ პოლიტიკოსების დრო უნდა წავიდეს – მორჩა! ის , რომ პოლიტიკაში მრავალი წელი ხარ, (და სარგებელი არ მოგიტანია არასდროს, მიუხედავად მაღალი თანამდებობებისა ქვეყნისთვის და ხალხისთვის) ეს გამოცდილებას არ ნიშნავს, უფრო – დიდი ხნის თაღლითობის გამოცდილებას ნიშნავს!
მოკლედ რომ ვთქვა – ყველაფერი კარგად იქნება!
P.S. როგორც ჩემი მეზობელი ძია ალექსი ამბობს: “წაიღეს რააა, ჯერ ქვეყანა, მერე ტვინი, 30 წელია პიჯაკი მოგბეზრდება ერთი და იგივე და ამათი ყურება “ნიუჟელი” აღარ მობეზრდა ხალხსო?!
მობეზრდა, მობეზრდა ჩემო ძია ალექსი – ჰოდა “შევცვლით ქვეყანას და ისე მოვალთ!!!” – წერს ფეისბუკის პირად გვერდზე თაკო ჩარკვიანი.
