დედაქალაქის მერის მიერ წარდგენილი ორწლიანი საქმიანობის ანგარიშის შეფასებისას პოზიტიურ მოსაზრებებს არ იშურებს პრემიერ-მინისტრი გიორგი გახარია და აცხადებს, რომ კახა კალაძემ ყველაზე კარგად იცის, რას მოელიან მისგან თბილისელები და რომ იგი სრულად შეასრულებს ყველა დაპირება/ვალდებულებას.
“შესანიშნავი ღონისძიება იყო, ღონისძიება დამადასტურებელი იმის, რამდენად ეფექტურად მუშაობს დღეს მერია. დასრულებული და მიმდინარე პროექტები, რომლებიც დღეს ჩვენ აქ ვნახეთ, რაც მთავარია, პროექტებს და პრეზენტაციას არ აქვს მნიშვნელობა, მნიშვნელობა აქვს იმას, რომ თბილისის თითოეული მოქალაქე გრძნობს და თვითონ აქვს შეხება იმასთან, თუ როგორ იქმნება, როგორ ვითარდება და როგორ უფრო ევროპული ხდება ეს ქალაქი.
და მე დარწმუნებული ვარ, კახა კალაძემ ყველაზე კარგად იცის, რას მოელიან თბილისელები მისგან და დარწმუნებული ვარ, რომ ის სრულად შეასრულებს ყველა იმ ვალდებულებას, რომელიც მას გააჩნია ქალაქის წინაშე“, – აღნიშნა გიორგი გახარიამ.
