,,ევროპული საქართველოს“ თავმჯდომარე, გიგა ბოკერია კომენტარს აკეთებს საქართველოს მე-3 პრეზიდენტის, მიხეილ სააკაშვილის განცხადებაზე, ქართულ პოლიტიკაში დაბრუნებასთან დაკავშირებით. ბოკერია აღნიშნულ ფაქტს კრიტიკულად აფასებს და ასევე მიაჩნია, რომ ,,ნაციონალური მოძრაობის“ ლიდერობით წარმატების მიღწევა შეუძლებელია:
,,სააკაშვილის და ,,ნაციონალური მოძრაობის“ საქციელი არის საუკეთესო საჩუქარი ივანიშვილის რეჟიმის პროპაგანდისთვის. იმიტომ, რომ მათი არათანმიმდევრულობის, ტყუილების და აბსურდული საქციელის გამოყენებით ივანიშვილის რეჟიმის პროპაგანდა მთლიანად პროდასავლური საზოგადოების, მთლიანად ოპოზიციის დისკრედიტაციას ახდენს.
ამიტომ მინდა მოვუწოდო ყველა მოქალაქეს – ვინც ,,ვარდების რევოლუციის“ იდეალების გამო ან ივანიშვილის რეჟიმის შეცვლის მოტივით მხარს უჭერდა აქამდე ,,ნაციონალურ მოძრაობას“, ამ გუნდის ლიდერობით ჩვენ ვერც ივანიშვილის რეჟიმს ვერ დავამარცხებთ, მითუმეტეს, ვერც ამ ჭაობიდან ამოვიყვანთ ქვეყანას და თავისუფლებისკენ ვერ წავიყვანთ. იმიტომ, რომ ეს არის გუნდი, რომელსაც აღარ გააჩნია არც ფასეულობები და არც პრინციპები“, – განაცხადა გიგა ბოკერიამ.
ავტორი
ნინი ხიჯაკაძე
