პარლამენტის წევრი, ,,სტრატეგია აღმაშენებლის“ გენერალური მდივანი, პაატა მანჯგალაძე პოლიტიკურ შეფასებას აკეთებს საქართველოსთვის კანდიდატის სტატუსის მინიჭების პერსპექტივაზე:
,,შემიძლია დაგარწმუნოთ, ახლა ოპოზიცია რომ იყოს ხელისუფლებაში, ჩვენ კანდიდატის სტატუსი ნამდვილად გვექნებოდა.
რაც შეეხება დეპოლარიზებას – აქაც მანიპულაციასთან, სპეკულაციასთან და უსინდისობასთან გვაქვს საქმე. 3 დღის უკან, 3 შეტევა განახორციელეს ერთი დღის მანძილზე თავისუფალი აზრის წინააღმდეგ.
სპეციალური წერილი გამოაქვეყნეს და თქვეს, რომ ევროპის კანდიდატის სტატუსი არის სათაგურიო. ამ სათაგურში უნდა ჩვენი შეტყუება ევროპასო. დღეს რაზე იღებენ გადაწყვეტილებას? სათაგურში შეტყუების შესახებ?!
ესეთი ხალხი როგორ ლაპარაკობს ოპოზიციის საბოტაჟზე?!“, – განაცხადა პაატა მანჯგალაძემ.
ავტორი
ნინი ხიჯაკაძე
