დიდი უსამართლობაა ჩვენთან და გასაუბრებისას ყვირილის გარდა გამოსავალი არც დამრჩა – ნაზი ჯანეზაშვილი

28

უზენაესი მოსამართლეობის კანდიდატ ლევან თევზაძესთან გასაუბრებას ხმაური მოჰყვა იუსტიციის საბჭოში. “დიდი უსამართლობაა ჩვენთან“, – აცხადებს იუსტიციის საბჭოს წევრი ნაზი ჯანეზაშვილი.

– ერთი საბჭოს წევრის, გზირიშვილის შვილს იუსტიციის სკოლაში ჩარიცხვაში ეხმარება “კლანი” ირაკლი შენგელიას ჩათვლით.

– ხოლო, მეორე მხრივ, ირაკლი შენგელიას ცოლის ძმას მხარდაჭერას უცხადებს ისევ “კლანი” გზირიშვილის ჩათვლით.

დიახ, ეს არის ნეპოტიზმი, კორუფცია, უსამართლობა და ამიტომ ამ ვიდეოში ჩანს რომ ვყვირი, სხვა გამოსავალი არც დამრჩა“, – წერს ფეისბუკის პირად გვერდზე ნაზი ჯანეზაშვილი.

იუსტიციის უმაღლესი საბჭოს წევრი აკონკრეტებს თავის დამოკიდებულებას, აღნიშნულ გასაუბრებასთან დაკავშირებით და სავარაუდო ნეპოტიზმზე აკეთებს აქცენტს, რაც გასათვალისწინებელი იქნება კენჭისყრისას:

ირაკლი შენგელია არ ესწრებოდა ლევან თევზაძის გასაუბრებას და სავარაუდოდ, მის კენჭისყრაშიც არ მიიღებს მონაწილეობას, მაგრამ ლევან გზირიშვილს ჩაურიცხეს შვილი იუსტიციის უმაღლეს სკოლაში, რაც იმას ნიშნავს, რომ გზირიშვილი სავარაუდოდ, მხარს დაუჭერს ლევან თევზაძეს“.

კომენტარები