ბოლო პერიოდში ქვეყანაში განვითარებულ მოვლენებს, სოციალურ ქსელში გამოქვეყნებული პოსტით, ეხმაურება იაგო კაჭკაჭიშვილი, სოციოლოგიის დოქტორი, თბილისის სახელმწიფო უნივერსიტეტში სოციოლოგიისა და სოციალური მუშაობის მიმართულების ხელმძღვანელი სოციალურ და პოლიტიკურ მეცნიერებათა ფაკულტეტზე:
“საგანგაშო ისაა, რომ გულისამრევი კონფორმიზმი არ არის მხოლოდ ძველი თაობის ან რომელიმე ერთი სტრუქტურის პრობლემა.
ყველგან, ყველა სფეროში ასეა (მეტ-ნაკლებობა არსებობს, მაგრამ ეს არსებითად არაფერს ცვლის).
საქართველოში ძალაუფლების ვერტიკალური განაწილება არ გულისხმობს ბიუროკრატიული და გაწერილი ვალდებულებების შესრულებას (როგორც ამას მოდერნულობა მოითხოვს), არამედ უნივერსალური დაქვემდებარების და პირმოთნეობის ფეოდალურ პრაქტიკად ყალიბდება.
ჩემი გამოცდილება მკარნახობს, რომ ასეთი სამარცხვინო ურთიერთობებისგან დისტანცირებას შედარებით უკეთესად სტუდენტები ახერხებენ“, – წერს ფეისბუქის პირად გვერდზე იაგო კაჭკაჭიშვილი.
