დღეს დილით, “გირჩი – მეტი თავისუფლების” ლიდერის, ზურაბ გირჩი ჯაფარიძის, ხოლო შემდეგ ამავე პარტიის ახალგაზრდულ ბანაკის მიმართ თავდასხმები განხორციელდა, რასაც მწვავე განცხადებით ეხმაურება პარტია “სტრატეგია აღმაშენებელი” და მისი ლიდერი გიორგი ვაშაძე:
“ბოლომდე გაშიშვლებულმა პრორუსულმა ოცნებამ აამუშავა რუსული ძალადობის მანქანა და ამ წუთებში თავს დაესხა ბორჯომში “გირჩი მეტი თავისუფლების” ახალგაზრდულ ბანაკს, სადაც ევროპულ პერსპექტივას და საქართველოს დეოკუპაციის საკითხებს განხილავდნენ. ძალადობრივი ჯგუფი ემუქრება ბანაკში მყოფ ბავშვებს.
გარდა ამისა, დღეს დილით ზურაბ ჯაფარიძეს დაესხნენ თავს.
მივმართავ სამართალდამცავ ორგანოებს, სასწრაფოდ მოახდინეთ მობილიზება ბორჯომში და უზრუნველყავით იქ მყოფი ადამიანების უსაფრთხოება!
მივმართავ “ქართულ ოცნებას”, კობახიძეს და ღარიბაშვილს, საქართველოს ვერ გადააქცევთ რუსეთად, ხელი აიღეთ ძალადობასა და სამოქალაქო დაპირისპირების პროვოცირებაზე!
ხელები შორს ახალგაზრდების და საქართველოს მომავლისგან!“ – წერს ფეისბუქის საკუთარ გვერდზე გიორგი ვაშაძე.