“მიხეილ სააკაშვილი გააძლიერებს ბრძოლას რუსული რეჟიმის წინააღმდეგ” – სერგო ჩიხლაძე

საქართველოს მე-3 პრეზიდენტის, მიხეილ სააკაშვილის მიერ ქართულ პოლიტიკაში მის ჩართვასთან დაკავშირებით გაკეთებულ განცხადებაზე პოლიტიკურ შეფასებას აკეთებს ,,სტრატეგია აღმაშენებლის“ პოლიტიკური საბჭოს წევრი, სერგო ჩიხლაძე:

,,როდესაც ვსაუბრობთ რუსული რეჟიმის დამარცხებაზე, საქართველოს გეოპოლიტიკურ მომავალზე, ვფიქრობ, რომ მნიშვნელოვანია მიხეილ სააკაშვილი იყოს ამ ბრძოლაში ჩართული. იმიტომ, რომ ის, რა თქმა უნდა, გააძლიერებს ბრძოლას რუსული რეჟიმის წინააღმდეგ.

რაც შეეხება ერთიანობას, ვფიქრობ, რომ ეს არის ერთადერთი სწორი პოზიცია, რასაც ჩვენ, ,,სტრატეგია აღმაშენებლი“, მეც პირადად – ჩვენი გუნდი, უკვე წელიწადზე მეტია ყველა პროდასავლურ ძალას მოვუწოდებთ, რომ გავერთიანდეთ, გავაერთიანოთ ძალისხმევა.

ეს შეიძლება გაერთიანების სხვადასხვა კონფიგურაცია იყოს, მაგრამ რუსულ რეჟიმთან საბრძოლველად და საქართველოს ევროპული მომავლისთვის ძალისხმევა უნდა გავაერთიანოთ“, – განაცხადა სერგო ჩიხლაძემ.

ავტორი
ნინი ხიჯაკაძე