“უმნიშვნელოვანესია მაღალი თანამდებობის პირების, მათ შორის, პრემიერ-მინისტრად წოდებული კაცის ჩართულობა“ – ლევან ხაბეიშვილი სტიქიაზე რეგიონებში

წალკაში, ადიგენში, შიდა ქართლში, კახეთში სტიქიამ, ძლიერმა წყალდიდობებმა მოსახლეობას, ინფრასტრუქტურას დიდი ზიანი მიაყენა. ადგილზე ,,ერთიანი ნაციონალური მოძრაობის“ თავმჯდომარე, ლევან ხაბეიშვილი იმყოფებოდა, რომელმაც განაცხადა, რომ აუცილებელია სარეზერვო ფონდებიდან დროულად მოხდეს მოსახლეობისთვის ზარალის სრული ანაზღაურება:

,,სასწრაფოდ უნდა მოხდეს ხელისუფლების მაღალი თანამდებობის პირების ადგილზე ჩამოსვლა, ზარალის სწრაფად დათვლა და სარეზერვო ფონდებიდან თანხის გამოყოფა. ინფრასტრუქტურა სწრაფად უნდა მოწესრიგდეს.

სწრაფად უნდა მოხდეს ზარალის დათვლა და მოსახლეობის სრულად დაკმაყოფილება. მათ შორის, კომერციულ ფართებში წყალი შევიდა, ბაზარი, სახლები დატბორილია, დაზიანებულია ავტომობილები, რომლებიც წყალმა წაიღო. ასევე წაიღო გზა და ინფრასტუქტრა გურჯაანში.

უმნიშვნელოვანესია მაღალი თანამდებობის პირების, მათ შორის, პრემიერ-მინისტრად წოდებული კაცის ჩართულობა“, – განაცხადა ლევან ხაბეიშვილმა.

ავტორი
ნინი ხიჯაკაძე