პარტია ,,ქართული ოცნების” თავმჯდომარე, ირაკლი კობახიძე აცხადებს, რომ ევროკავშირის კანდიდატი ქვეყნის სტატუსის მინიჭება პოლიტიკურ ნებაზეა დამოკიდებული და შანსები 50/50%-ზეა:
,,ჩვენ იმედი გვაქვს, რომ კანდიდატის სტატუსს მივიღებთ. რაც შეეხება ჩვენს პროგნოზს: იგივეს გავიმეორებ, რა თქმა უნდა, შანსები არის 50/50-ზე ერთი მარტივი მიზეზის გამო – ეს არის პოლიტიკური გადაწყვეტილება.
პოლიტიკური გადაწყვეტილება ყოველთვის არის 50/50-ზე.
რისკები ისევ მაღალია. საკმარისია, 27 ქვეყნიდან ერთს ათქმევინო უარი საქართველოსთვის კანდიდატის სტატუსის მინიჭებაზე, ქვეყანას უკვე არ მიეცემა კანდიდატის სტატუსი.
აქედან გამომდინარე, გლობალური ომის პარტიისთვის ძალიან მარტივია ევროკავშირის მანიპულირება, ასე ვთქვათ, გადაწყვეტილებების სფეროში. შესაბამისად, რისკები არის მაღალი. ჩვენ გლობალურ ომის პარტიას უნდა დავანახოთ, რომ გვაქვს მყარი პოზიციები ქვეყნის შიგნით.
ეს გლობალურ ომის პარტიას უნდა აჩვენოს, როგორც ხელისუფლებამ, ასევე, საზოგადოებამ. ამ შემთხვევაში შანსები გაიზრდება, რომ კანდიდატის სტატუსი მივიღოთ”, – განაცხადა ირაკლი კობახიძემ.
ინფორმაციისთვის: ირაკლი კობახიძე კონკრეტულ განმარტებას არ აკეთებს, თუ ვის მოიაზრებს გლობალურ ომის პარტიაში, რადგან, მისი თქმით, ამ მახრივ უხერხულობა არ შექმნას. თუმცა, აცხადებს, რომ ,,ნაციონალური მოძრაობა” ლოკალური ომის პარტიის ერთ-ერთი შემადგენელი ნაწილია.
ავტორი
ნინი ხიჯაკაძე
