“კი, “შნურით” არიან მიერთებული. კი, ჩამოდიან ემისრები და ჩამოაქვთ ინსტრუქციები” – ვახო სანაია

ჟურნალისტი ვახო სანაია კონკრეტულ ფაქტებს იხსენებს და საქართველოს ხელისუფლების რუსეთთან პირდაპირ კავშირზე საუბრობს:

“მეზარება ჩემი ძველი სტატუსების ძებნა ამ თემაზე. ყველაფერში რუსებს ხედავ და ეგეთი კომენტარები. კი, როცა რუსები გმართავენ, რუსები უნდა დაინახო ყველაფერში.

პოზნერის ჩანაწერი უფრო მძიმეა, ვიდრე მხოლოდ ეს დამამცირებელი თავის მართლება.
საქმე სულ სხვანაირადაა.

რატომ დაარბია ივანიშვილმა ხალხი ასე სასტიკად გავრილოვის ღამით?
იმიტომ, რომ გავრილოვი ოფიციალური პირია და იქიდანაც უფრო მკაცრად უთხრეს.
ხოდა, ადგა და დაარბია.

ახლა წარმოიდგინეთ, რატომ გამოგზავნეს კილერები გაბუნიასთვის რუსეთიდან და მხოლოდ შემთხვევით გადაურჩა მკვლელობას.
იმიტომ, რომ იქ პუტინს ეხებოდა საქმე.

და ასე შემდეგ და ასე შემდეგ.

ზოგს კი არ სჯერა, მაგრამ გვარამიაც იმიტომ ზის ციხეში, რომ რუსებმა მოითხოვეს, თან საჯაროდ. ეგ პატიმრობაც პუტინის თემას უკავშირდება.

სააკაშვილზე ხომ ლაპარაკიც ზედმეტია, რომ პუტინის ბრძანებით ზის.

ლავროვის ოჯახზე რა ხდებოდა ტელეფონში, წარმოდგენაც არ მინდა.

მთელი ის საუბრები, ანტიდასავლური მთავრობა კი არის, მაგრამ ასე პირდაპირ კი არ იღებენ დავალებს და ეგეთი სისულელეები იქნებ დაივიწყოთ, მათ შორის ოპოზიციაში.

კი, ,,შნურით” არიან მიერთებული. კი, ჩამოდიან ემისრები და ჩამოაქვთ ინსტრუქციები“, – წერს ვახო სანაია ფეისბუქის პირად გვერდზე.

ინფორმაციისთვის: მედიაში და სოციალურ ქსელებში საქართველოს პრემიერ-მინისტრის სპეციალურ წარმომადგენელ ზურაბ აბაშიძესა და ჩაიკოვსკის საერთაშორისო საქველმოქმედო ფონდის პრეზიდენტ მარკ ზილბერკვიტს შორის სატელეფონო საუბრის ფარული ჩანაწერები გავრცელდა, სადაც საუბარი იყო საბჭოთა/რუს პროპაგანდისტ ვლადიმერ პოზნერის საქართველოში ჩამოსვლასა და მის მიმართ სამოქალაქო აქტივისტების მხრიდან მწვავე რეაქციასა და პროტესტის გამოხატვაზე, რასაც ზემოაღნიშნული ორივე თანამოსაუბრე ნეგატიურ შეფასებას აძლევდა.