“ლრიბორისტული პარტიის” ლიდერი, შალვა ნათელაშვილი, საქართველოს მეცნიერებათა აკადემიის პრეზიდენტ, როინ მეტრეველთან დაკავშირებით პოზიტიურ ფაქტებს იხსენებს და მასზე გაკეთებულ სიუჟეტს ნეგატიურად აფასებს:
“თბილისის სახელმწიფო უნივერსიტეტში ჩემი რექტორი იყო ბატონი როინ მეტრეველი.
წარჩინების დიპლომით დავამთავრე და ჩემთვის ქრთამი არავის გამოურთმევია. მისი შექმნილია ერთადერთი კომპლექსური ისტორიოგრაფიული წიგნი დავით მეოთხე აღმაშენებელზე, აღარაფერს ვამბობ უნიკალური პირველი ქართული ენციკლოპედიის გამოცემაზე რასაც ის ფაქტიურად ხელმძღვანელობდა.
პირდაპირ გეტყვით, არ მომეწონა გადაცემა. სასიკვდილოდ გაწირეს კაცი, ამ ასაკში სულ პატარა სტრესია საჭირო მძიმე შედეგისათვის.
ღარიბაშვილის ნაძირლობაზე რაიმე ახალი დამამტკიცებელი ვერსიების შექმნა თან აღნიშნული ფორმით საჭირო არ იყო, ამ პერსონაზე ლამის მთელი მსოფლიო ისედაც შეთანხმებულია.
მე ჩემი აზრი მოგახსენეთ, იმედია არ შემრისხავთ.
P.S. რა თქმა უნდა, ბექა ყორშია, საერთოდ და უდავოდ ნიჭიერი ჟურნალისტია“, – წერს ფეისბუქის პირად გვერდზე შალვა ნათელაშვილი.