თბილისის სახელმწიფო უნივერსიტეტში სტუდენტების მიერ “ქართული ოცნების” თავჯდომარის, ირაკლი კონახიძისთვის რუსული რუბლების თავზე დაყრის ფაქტთან დაკავშირებით თავის შეფასება-შედარებას ახდენს “ეთნიკურ და კონფესიურ ურთიერთობათა ცენტრის” ხელმძღვანელი, ლელა ჯეჯელავა:
“კაცობრიობამ აქამდე იცოდა მოსწავლისაგან 30 ვერცხლად გაყიდული მასწავლებელი. ამიერიდან ეცოდინება მასწავლებლისგან რუსულ რუბლებზე გაყიდული მოსწავლეები, რომლებიც არც მეორე ლოყას შეუშვერენ და მასწავლებელსაც სირცხვილის ბოძზე გააკრავენ, იმიტომ რომ ამ ძალად “მოძღვარზე” უკეთ იციან მტერიც და მოყვარეც, სიყვარულიც და სიძულვილიც, დანაშაულიც და სასჯელიც“, – წერს ფეისბუქის პირად გვერდზე ლელა ჯეჯელავა.
