პარტია ,,გირჩი – მეტი თავისუფლების“ თავმჯდომარე, ზურაბ ჯაფარიძე აცხადებს, რომ სანამ ხელისუფლებაში ,,ქართული ოცნება“ იქნება, საქართველოს ევროინტეგრაციის პროცესზე პოზიტიური მოლოდინი არ უნდა იყოს:
,,მაინც და მაინც ოპტიმისტური მოლოდინები არ მაქვს, პირიქით – მგონია, რომ ესენი ყველანაირად ეცდებიან ამ გზაზე რაღაცები კიდევ გააფუჭონ.
მათ შორის, მგონია, რომ თუ გერმანიის კანცლერმა უთხრა კონკრეტული რაღაცები, რომ აი, ეს 1, 2, 3, 4, 5 რაღაც გააკეთეთ და ჩვენ მხარს დავუჭერთ სტატუსს. ადგებიან და იმ ხუთის საწინააღმდეგო რაღაცებს გააკეთებენ.
ერთადერთი გამოსავალი, რომ ჩვენ გავაგრძელოთ, აღვადგინოთ მსვლელობა დასავლეთისკენ, ევროინტეგრაციისკენ, NATO-ში ინტეგრაციისკენ, ეს არის ამ ხელისუფლების ცვლილება. ხელისუფლებაში რუსები გვყავს. მანამ, სანამ ხელისუფლებაში არიან რუსები, არ უნდა გვქონდეს ილუზია, რომ ჩვენ რაღაცნაირად წავალთ წინ“, – განაცხადა ზურაბ ჯაფარიძემ.
ავტორი
ნინი ხიჯაკაძე
