“საჭიროა, რომ ბიჭებმა ცოლები მოიყვანონ, გოგოები დაქორწინდნენ, გამრავლდნენ და ა.შ.” – ირაკლი კობახიძე

პარტია ,,ქართული ოცნების” თავმჯდომარე, ირაკლი კობახიძე,  თბილისის სახელმწიფო უნივერსიტეტში ლექციის ჩატარების შემდეგ მომხდარი ინციდენტის შეფასებასას, კონკრეტული ახალგაზრდებთან დაკავშირებით, თავის პოზიციას აფიქსირებს და საინტერესო რჩევებსაც აძლევს მათ:

,,ჩვენი მიზანი უნდა იყოს ამ ახალგაზრდების გადარჩენა. მე მგონია, შესაძლებელი არის მათი გადარჩენა. მე დარწმუნებული ვარ, რომ მათი ორიენტაციის სწორ რელსებზე მოქცევა არის შესაძლებელი.

ეს ახალგაზრდები, რომლებიც პარლამენტის წინ რამდენიმე დღის წინ იდგნენ, პრემიერის მიმართ შეურაცხმყოფელ განცხადებებს აკეთებდნენ. ამ შემთხვევაში, არაფერ შუაში არ არის მისი სტუდენტობა.

მათი ორიენტაცია ყველანაირად არის არეული. მე მგონია, რომ ეს ადამიანები უნდა მოექცნენ სწორ რელსებზე. საჭიროა, რომ ბიჭებმა ცოლები მოიყვანონ, გოგოები დაქორწინდნენ, გამრავლდნენ და ა.შ.”, – განაცხადა ირაკლი კობახიძემ

ინფორმაციისთვის: თბილისის სახელმწიფო უნივერსიტეტში ლექციის ჩასატარებლად მისულ პარტია ,,ქართული ოცნების” თავმჯდომარე, ირაკლი კობახიძესთან სტუდენტებს შეხვედრა სურდათ, რაც ვერ მოხერხდა, ხოლო პროტესტის ნიშნად სტუდენტებმა ზედა სართულიდან მმართველი პარტიის ლიდერს რუსული რუბლები გადმოაყარეს.

ავტორი
ნინი ხიჯაკაძე