დასავლეთის მიერ ქართველი პოლიტიკოსებისა და სამოქალაქო სექტორის მხარდაჭერასთან დაკავშირებით დეკანოზ ანდრია ჯაღმაიძის მიერ დაფიქსირებულ ნეგატიურ პოზიციას მწვავე შეფასებებით ეხმაურება “ლეიბორისტული პარტიის” თავმჯდომარე შალვა ნათელაშვილი:
“ერთი ამას შეხედეთ. არ დამიმყარეს რელიგიური დიქტატურა. თანაც მოსკოვის ნომრიანმა აგენტებმა.
ჯერ ბრიუსელს და ვაშინგტონს მეტი საქმე არა აქვს, ამათ რომ იღებენ და ხვედებიან“, – წერს ფეისბუქის პირად გვერდზე შალვა ნათელაშვილი.
ინფორმაციისთვის: საქართველოს საპატრიარქოს საზოგადოებასთან ურთიერთობის სამსახურის ხელმძღვანელი, დეკანოზი ანდრია ჯაღმაიძე აცხადებს, რომ “აშშ-ს სახელმწიფო დეპარტამენტში და ბრიუსელში ღიად ვისაუბრეთ იმის თაობაზე, რომ მათ მიერ მხარდაჭერილი ორგანიზაციები და პოლიტიკოსები ქმნიან ანტიდასავლურ განწყობებს და წინასწარ გავაფრთხილეთ, თუ ეს არ შეწყდებოდა, საზოგადოებაში გამოიწვევდა მათთვის არასასურველ და რუსეთისთვის ხელსაყრელ განწყობებს“.
