ორგანიზაცია ,,ჟურნალისტთა დაცვის კომიტეტი/Committee to protect journalists“-ის (CPJ) წარმომადგენლები რუსთავის ციხეში, პატიმრობაში მყოფი ,,მთავარი არხის“ დირექტორის, ნიკა გვარამიას მოსანახულებლად მივიდნენ, თუმცა, არ შეუშვეს. აღნიშნულთან დაკავშირებით ჟურნალისტებთან ემოციური კომენტარი გააკეთა ნიკა გვარამიას მეუღლემ, სოფო ლილუაშვილმა:
,,სამწუხაროდ, შეშვებასა და მონახულებაზე პასუხი არ მიუღიათ, მაგრამ თვითონ გადაწყვიტეს, რომ აქ მაინც მოსულიყვნენ. მოსულიყვნენ იმისთვის, რომ პირველ რიგში, ნიკა გაემხნევებინათ.
მე მადლობის მეტი არაფერი არ მეთქმის. იმიტომ, რომ ნამდვილად დიდი აღიარებაა ეს.
ადამიანები, რომლებიც რამდენიმე დღით არიან ჩამოსული, წარმოადგენენ ასეთ მნიშვნელოვან ორგანიზაციას, მედია უფლებებისა და პრესის თავისუფლების კუთხით, მათ თავის გადატვირთულ გრაფიკში დრო გამონახეს, წამოვიდნენ რუსთავში, ამხელა გზაზე და დღეს, აქ დგანან მხოლოდ იმიტომ, რომ დაანახონ ნიკას – ისინი მის გვერდით არიან“, – განაცხადა სოფო ლილუაშვილმა.
ავტორი
ნინი ხიჯაკაძე
