საქართველოს პარლამენტის წევრი, ,,სტრატეგია აღმაშენებლის“ გენერალური მდივანი, პაატა მანჯგალაძე აცხადებს, რომ ევროპარლამენტარების მხრიდან შეკითხვები ჩნდება საქართველოს ხელისუფლების დასავლურ კურსთან დაკავშირებით:
,,გუშინ, ჩვენმა ევროპელმა კოლეგებმა დასვეს უამრავი კითხვა საქართველოს ხელისუფლებასთან, ხელისუფლების კურსთან დაკავშირებით. არის ბუნდოვანება და ორაზროვნება.
კიდევ ერთხელ, გერმანია, როგორც ევროპის ლიდერი ქვეყანა, გაფართოების მთავარი მომხრე და ინიციატორი, ღარიბაშვილთან შეხვედრას მართავს, საბოლოოდ რომ ჩამოაყალიბოს პოლიტიკა საქართველოს ხელისუფლებასთან დაკავშირებით.
იცით, რომ ბევრი კითხვა არის მათ კურსთან დაკავშირებით და ამას მეტყველებს ღარიბაშვილის ანტიქართული განცხადებები – მან პირდაპირ რუსული ნარატივი გაიმეორა როცა თქვა, რომ NATO-ს გამო დაესხა თავს რუსეთი“, – განაცხადა პაატა მანჯგალაძემ.
ავტორი
ნინი ხიჯაკაძე
