ცალკეული პოლიტიკოსების მხრიდამ, საპროტესტო აქციებზე პოლიციელების ქმედების, მწვავე ნეგატიურ შეფასებას, საპასუხო მწვავე შეფასებებით და კონკრეტული გაფრთხილებებით ეხმაურება პრემიერ-მინისტრი ირაკლი ღარიბაშვილი:
“ყველა ის ადამიანი, რომელიც ჩვენს გმირ, საამაყო პოლიციას რაიმე შეურაცმყოფელი სიტყვებით მოიხსენიებს, ის ადამიანი არის ჩვენი ქვეყნის მტერი.
ამ ადამიანების, 2%-ანი, 1%-ანი პარტიების ნებისმიერი უსუსური მცდელობა დასრულდება სრული კრახით, მე მინდა ეს ყველას ვუთხრა და სახელმწიფო იქნება უკომპრომისო ყველა ასეთი შემთხვევის გამოვლინების დროს. აქედან გამომდინარე, რა თქმა უნდა, ჩემთვის სრულიად მიუღებელია, ესაა დასაგმობი ფაქტი, ამაზე საზოგადოებამ, ყველამ უნდა აიმაღლოს ხმა.
ჩვენი პოლიცია, ჩვენი ჯარი არის ხელშეუხებელი. ყველა სპეცსამსახურები, რომლებიც აძლიერებენ ჩვენს სახელმწიფოს და ვინც მათზე ახორციელებს თავდასხმას, ის არის ჩვენი ქვეყნის მტერი, მე არ მოვერიდები ამის თქმას“, – აცხადებს ირაკლი რარიბაშვილი
მთავრობის მეთაური შეფასებას აკეთებს, ასევე, “ნაციონალური მოძრაობის” თავმჯდომარის, ლევან ხაბეიშვილის მხრიდან ოპოზიციისადმი გაერთიანების თაობაზე შეთავაზებასა და 2024 წლის არჩევნებთან დაკავშირებით, რაშიც ოპოზიციას წარუმატებლობას უწინასწარმეტყველებს:
“მე ვხედავ პერსპექტივას, რომ ოპოზიცია კიდევ ერთხელ და ძლიერად დამარცხდება 2024 წლის არჩევნებში. არ მინდა არასერიოზულ ადამიანებზე და ხაბეიშვილზე გავაკეთო კომენტარი.
ესენი არიან მარგინალიზებულები ძალა, რომელთაც არავითარი დღის წესრიგი არ აქვთ, ვერ სთავაზობენ საზოგადოებას, ჩვენს ხალხს რაიმე ალტერნატიულ აზრს, მოსაზრება.
რა დონეზე არიან განადგურებულები, რომ მხოლოდ გადასულები არიან შეურაცხყოფაზე.
ჩვენს უსუსურ და მარგინალიზებულ ოპოზიციას, თავისი სატელიტებით, ენჯეოებით, დეგრადირებული ამორალური ხალხით, არაფერი დარჩენია გარდა ერთისა – გადავიდნენ პირად შეურაცხყოფაზე…“, – აღნიშნავს ირაკლი ღარიბაშვილი.
