მედიაში გავრცელებულ ინფორმაციას, ჩეჩნეთის ლიდერის, რამზან კადიროვის გარემოცვის საქართველოში ვიზიტთან დაკავშირებით, მწვავე და კრიტიკული შეფასებებით ეხმაურება საქართველოს პარლამენტის წევრი, ,,სტრატეგია აღმაშენებლის“ გენერალური მდივანი, პაატა მანჯგალაძე:
,,კადიროვს აქვს უფლება შემოვიდეს? კადიროვის შემოსვლა შეიძლება? ,,ქართულ ოცნებას”, ირაკლი კობახიძეს, სხვა ლიდერებს მივმართავ – კადიროვს რომ მოუნდეს ხვალ შემოსვლა, კადიროვიც შემოვა?!
ეს რატომ ხდება? ეს არის ჰიბრიდული ომის კომპონენტი, რომ ქართველებს უთხრან – ჩეჩნების, ,,ახმატ სილას” ე.წ. ძალის წარმომადგენლები, საქართველოში თავისუფლად შეიძლება შემოვიდნენ. რუსეთი მეგობარია, კადიროვი მეგობარია, მაგრამ მტერი არის ევროპა, ევროპელი ლიდერები არიან საქართველოს მტრები…”, – განაცხადა პაატა მანჯგალაძემ.
ავტორი
ნინი ხიჯაკაძე
