ე.წ. ბანერების აქციაზე, სამოქალაქო აქტივისტების დაკავებებს და მიმდინარე პროცესებს, კონკრეტული შეთავაზებებით ეხმაურება “მთავარი არხის” გენერალური დირექტორი, ნიკა გვარამია:
“რუსული რეჟიმის მიერ სუფთა ფურცლის გამო დაკავებებს ქართულმა პროდასავლურმა პოლიტიკურმა სპექტრმა და სამოქალაქო საზოგადოებამ “სუფთა ფურცლის ინიციატივით” თუ არ უპასუხა, საქართველო დამოუკიდებლობას დაკარგავს.
დაიწყეთ ერთმანეთთან ურთიერთობა სუფთა ფურცლიდან!
დაივიწყეთ ურთიერთწყენები და ურთიერთპრეტენზიები!
შეეშვით წარსულს და მუდმივად უკან ნუ იხედებით!
კონცენტრირდით მომავალზე და იარეთ მხოლოდ წინ!
საბოლოო გამარჯვება მხოლოდ ასე მოვა!
ძირს ბელოგრუზია! დიდება საქართველოს!” – ნიკა გვარამია #212-ე საკნიდან
