ვიცე პრემიერი, კულტურის, სპორტისა და ახალგაზრდობის მინისტრი თეა წულუკიანი პრემიერ-მინისტრის, ირაკლი ღარიბაშვილის მოლდოვაში გამართულ ვიზიტს აფასებს და აცხადებს, რომ ევროკავშირის კანდიდატი ქვეყნის სტატუსი ქართველ ხალხს და სახელმწიფოს ეკუთვნის:
,,ეს იყო ირაკლი ღარიბაშვილის მორიგი საერთაშორისო ვიზიტი, სადაც ის ღირსეულად წარსდგა, როგორც ამაყი ქვეყნის ამაყი წარმომადგენელი. ეს არის ჩვენი დღევანდელი პოლიტიკური პოზიცია, რომ ჩვენ ვართ დამოუკიდებელი, სისხლის ფასად გვაქვს დამოუკიდებლობა მოპოვებული, ვართ სუვერენული სახელმწიფო და ვისწრაფვით განუხრელად ევროპის კავშირში გაერთიანებისკენ.
ჩვენ ვთვლით, ასევე თავაწეულნი, რომ ეს სტატუსი, რომლისკენაც ჩვენ ვისწრაფვით ჩვენს ხალხს და სახელმწიფოს ეკუთვნის. ძალიან მნიშვნელოვანია, რომ სიტყვიერი მხარდაჭერა პრემიერმა ჩვენი ქვეყნისთვის ამ გზაზე მიიღო.
დაველოდებით დიდი მოთმინებით იმ დღეს, როდესაც ბრიუსელში იქნება ჩვენი ქვეყნისადმი მიღებული ერთადერთი და ამჯერად სამართლიანი გადაწყვეტილება სტატუსის მონიჭების შესახებ”, – განაცხადა თეა წულუკიანმა.
ავტორი
ნინი ხიჯაკაძე
