უკრაინის მთავრობამ, რუსეთიდან საქართველოში პირდაპირი ავიარეისების აღდგენის გამო ,,ჯორჯიან ეარვეისი” სანქცირებულ კომპანიათა სიაში შეიყვანა. ამასთან დაკავშირებით განმარტებებს აკეთებს ფინანსთა მინისტრის მოადგილე, გიორგი კაკაურიძე:
,,უკრაინის მიერ დაწესებული სანქცია, საერთაშორისო სანქციას არ ნიშნავს – ეს ერთი, მერე მეორე, – ,,ჯორჯიან ეარვესი” ან ნებისმიერი კომპანიის დასანქცირება, რომელიც დაარღვევს საერთაშორისო სანქციებს და ამის გამო დაასანქცირებენ, ეს არ არის კარგი.
თუმცა, ბიუჯეტზე და ქვეყნის ეკონომიკაზე ისეთი კომპანიის დასანქცირება, როგორიც არის ,,ჯორჯიან ეირვეისი”, რა თქმა უნდა, მნიშვნელოვანი ზიანის მომტანი არ იქნება.
რაც შეეხება კონკრეტული მთავრობის გადაწყვეტილებას – არ ვიცი, მის უკან რა დგას. მე იმაში ვარ დარწმუნებული, რომ ყველა სახელმწიფო ორგანო აკეთებს ყველაფერს იმისთვის, რომ სანქციების გვერდის ავლა არ მოხდეს საქართველოს არცერთი კომპანიის მიერ”, – განაცხადა გიორგი კაკაურიძემ.
ავტორი
ნინი ხიჯაკაძე
