საქართველოს პრეზიდენტის, სალომე ზურაბიშვილის ევროპარლამენტში სიტყვით გამოსვლამდე კონკრეტული პოზიციას დააფიქსირა ,,სტრატეგია აღმაშენებლის” პოლიტიკური საბჭოს წევრმა სერგო ჩიხლაძემ, რომელმაც დაასახელა 2 კონკრეტული საკითხი, რომელზეც, მისი აზრით, ყურადღება უნდა გაემახვილებინა ქვეყნის პრეზიდენტს:
,,გააკრიტიკებს თუ არა ის ისეთივე მონდომებით ბიძინა ივანიშვილს, როგორც აკრიტიკებს, მაგალითად, კობახიძეს და მეორე – რა გზავნილი ექნება მას ნიკა გვარამიასთან მიმართებაში.
იმიტომ, რომ რასაც ელოდება ევროკავშირი, ევროპარლამენტარები, გასათვალისწინებელია და წინა დღეებში, ჩვენ გვქონდა ევროპარლამენტარებთან, ევროპულ პარტიებთან შეხვედრა, ყველა კითხულობდა – რატომ არ ასრულებს ქალბატონი პრეზიდენტი ევროკავშირის, ევროპული პარტიების რეზოლუციებს ნიკა გვარამიასთან მიმართებაში?!
ამიტომ ტესტი იქნება ამ ორი საკითხის დაყენება”, – განაცხადა სერგო ჩიხლაძემ.
ავტორი
ნინი ხიჯაკაძე
