“ამათი ყველა გამოსვლა საერთაშორისო ფორუმზე არის დივერსია საქართველოს ევროპული კურსის წინააღმდეგ, და-დუმ-დით!” – პაატა მანჯგალაძე “ქართულ ოცნებაზე”

საქართველოს პრემიერ-მინისტრის, ირაკლი ღარიბაშვილის მიერ ბრატისლავაში, გლობალური უსაფრთხოების ფორუმზე გაჟღერებულ გზავნილებს ,,მთავარი არხის” ჟურნალისტთან კრიტიკულად აფასებს საქართველოს პარლამენტის წევრი, ,,სტრატეგია აღმაშენებლის” გენერალური მდივანი, პაატა მანჯგალაძე:

,,რუსებს ასეთი მაღალი რანგის ფორუმებზე არ იწვევენ და მათ გამოაჩინეს საქართველოს პრემიერად წოდებული ადამიანი, რომელიც დადის და რუსულ გზავნილებს აჟღერებს ამ ფორუმებზე.

ირაკლი ღარიბაშვილს ფორუმზე გამოსვლა საერთოდ უნდა აეკრძალოს. ჯობია, ,,ქართული ოცნება” საერთოდ გაჩუმდეს, არსად არ მივიდეს. ქვეყანა კანდიდატის სტატუსს ისედაც მიიღებს.

ამათი ყველა გამოსვლა საერთაშორისო ფორუმზე არის დივერსია საქართველოს ევროპული კურსის წინააღმდეგ. და-დუმ-დით!”, – განაცხადა პაატა მანჯგალაძემ.

ავტორი
ნინი ხიჯაკაძე