საქართველოს პრემიერ-მინისტრის, ირაკლი ღარიბაშვილის მიერ ბრატისლავში გაჟღერებულ გზავნილებს პოლიტიკურად აფასებს პარლამენტის პირველი ვიცე-სპიკერი, გიორგი ვოლსკი:
,,კანდიდატის სტატუსის მოცემა განიხილება 2 ასპექტში. ერთი ის, რომ ევროპა, ევროპული საზოგადოება, შესაბამისი სტრუქტურები ობიექტურად აფასებენ იმ რეფორმებს, რაც გატარდა საქართველოში. არანაირ ყურადღებას პოლიტიკურ სპეკულაციებს არ აქცევენ.
რასაკვირველია, მთავარ თემად წარმოაჩენენ დეპოლარიზაციის თემას, რაც არ ნიშნავს დამეგობრებას, არამედ ყველასთვის თანაბარი პირობების შექმნას. ამას მნიშვნელოვნად ხელს შეუწყობს კანდიდატის სტატუსის მიცემა.
გულწრფელობა არის აუცილებელი, როცა ამ ტრიბუნას იყენებ. ფაქტია, რომ პოლარიზება მსოფლიოში არის თვალსაჩინო. რუსეთის მიერ საქართველოს ოკუპაცია გრძელდება.
რეალობა შეიქმნა, როდესაც პატარა, მცირე რესურსების მქონე ქვეყანამ თავის უსაფრთხოებაზე უნდა იფიქროს“, – განაცხადა გიორგი ვოლსკიმ.
ავტორი
ნინი ხიჯაკაძე
