საქართველოს პარლამენტის წევრი, მოძრაობა ,,ხალხის ძალის” წევრი, სოზარ სუბარი პოლიტიკურ შეფასებას აკეთებს რუსეთის პრეზიდენტის, ვლადიმერ პუტინის განცხადებაზე სავიზო რეჟიმის გაუქმებასთან დაკავშირებით და აცხადებს, რომ რუსეთთან სავიზო რეჟიმის გაუქმების მსურველი ბევრი იყო:
,,2019 წელს, რუსეთს ვიზების გაუქმებისა და ფრენების აღდგენისკენ ამერიკის ელჩის მოვალეობის შემსრულებელი მოუწოდებდა.
ამისკენ მოუწოდებდნენ ევროკავშირის მაღალი თანამდებობის პირები 2019 წელსვე.
მიხეილ სააკაშვილი და მთელი მისი გუნდი მაშინ, როცა თვითონ იყვნენ ხელისუფლებაში ამას ეხვეწებოდა“, – განაცხადა სოზარ სუბარმა.
ინფორმაციის: რუსეთის პრეზიდენტმა, ვლადიმერ პუტინმა განცხადება გააკეთა საქართველოსთან სავიზო რეჟიმის გაუქმებასთან დაკავშირებით, სადაც აღნიშნა, რომ უვიზო მიმოსვლა მისი გადაწყვეტილება იყო, თუმცა, მისი თქმით, არაერთხელ იყო თხოვნა საქართველოს მხრიდან და შესაბამისად უკვირს, თუ რატომაა ახლა ასეთი რეაქცია საქართველოში.
ავტორი
ნინი ხიჯაკაძე
