“ქრონიკა +”-ის მთავარი რედაქტორი, ელისო კილაძე, პრეზიდენტის ადმინისტრაციასთან დაგეგმილ, “მთავარი არხის” გენერალური დირექტორის, პატიმრობაში მყოფი ნიკა გვარამიას მხარდამჭერ აქციას ეხმაურება და აქციაზე მისვლის აუცილებლობის თაობაზე საუბრობს:
“ბევრი კითხვა დამხვდა ინბოქსში და საჯაროდ გიპასუხებთ
დიახ, მე მივდივარ პრეზიდენტის რეზიდენციასთან ნიკა გვარამიას მხარდასაჭერ აქციაზე!
მერე რა რომ ეკრანიდან მოხსნილი ვარ, მერე რა რომ არხის თანამშრომლები სხვა აქციებზე თვალს მარიდებენ, “რუსთავი 2”-ის დასაცავად ბარიკადებზე იმიტომ ვიდექი, რომ თავისუფლების იდეას ვიცავდი!
მერე რა რომ გედი ფოფხაძე მაშინ “ოცნების” სახე იყო და ახლა ნიკას იცავს.
“მთავარ არხს” წინ მნიშვნელოვანი გამოწვევები აქვს.
ნიკას თავისუფლება ამ ქვეყნის დამოუკიდებლობას და ევროპულ მომავალს სჭირდება🙏✌️“, – წერს ფეისბუქის პირად გვერდზე ელისო კილაძე.