რუსეთის პრეზიდენტმა, ვლადიმერ პუტინმა კონკრეტული განმარტებები გააკეთა საქართველოსთან უვიზო რეჟიმის დაწესებასა და პირდაპირი ავიარეისების აღდგენასთან დაკავშირებით:
“ეს ნამდვილად ჩემი გადაწყვეტილება იყო და ჩემი წინადადებაც და რაც დაკავშირებულია რიგ გარემოებასთან, მათ შორის, შვებულებების სეზონთან, მსურდა მხარი დამეჭირა ადამიანებისთვის, რომლებიც მიისწრაფვიან რუსეთთან ნორმალური ურთიერთობებისკენ თვითონ საქართველოში, ჩვენი ბიზნესისა თუ უბრალოდ ჩვენი მოქალაქეებისთვის, რომლებსაც უყვართ საქართველო, სურთ იქ ჩასვლა, დასვენება და შეხება ქართულ ბუნებასთან, კულტურასთან, სამზარეულოსთან და ა.შ.
ჩემთვის სრული მოულოდნელობა იყო ის რეაქცია, რომელიც ამას მოჰყვა. მე ვფიქრობდი, რომ ყველა იტყოდა – “აი, მადლობა, კარგია“. არა, იქ რაღაც სრულიად გაუგებარი ქარიშხალი წარმოიშვა ამ საკითხზე, რაც ძალიან უცნაურია და, სიმართლე გითხრათ, მოულოდნელია. როდესაც გვერდიდან ვუყურებ, [ვფიქრობ], სრულიად შეიშალნენ თუ რა?! გაუგებარია, რაც იქ, მათთან, ხდება.
მე მეგონა, რომ საქართველოს ხელისუფლება არაერთხელ აყენებდა სავიზო რეჟიმის გაუქმებისა და პირდაპირი ავიაგადაზიდვების განახლების საკითხს და ჩვენ ეს შემხვედრი ნაბიჯი გადავდგით. რაც ახლა ხდება ქვეყნის შიგნით არაა ჩვენი საქმე, თვითონ გადაწყვიტონ, რომელი გზით წავიდეს საქართველო, როგორ განვითარდეს და ა.შ.
მაგრამ ჩვენ მზად ვართ ჩენი გზა გავიაროთ, როგორც უკვე აღვნიშნე, ვდგამთ შემხვედრ ნაბიჯებს და შემდგომში ყველაფერს იმის შესაბამისად გავაკეთებთ, როგორი რეაგირებაც ექნებათ ამაზე ჩვენს პარტნიორებს,” – განაცხადა ვლადიმერ პუტინმა.