საქართველოს პარლამენტის წევრი, პარტია ,,ლელო საქართველოსთვის” პოლიტიკური საბჭოს წევრი, ანა ნაცვლიშვილი კომენტარს აკეთებს სანქციებთან, სანქცირებულ პირებთან დაკავშირებით და საქართველოს ხელისუფლების მიერ გატარებულ პოლიტიკაზე:
,,ამერიკის შეერთებული შტატების, ევროკავშირის მხრიდან ადამიანები არიან სანქცირებულები და საქართველო მათ უსაფრთხო საქეიფო ადგილს სთავაზობს. ამით შენ უბრალოდ იმას კი არ აკეთებ, რომ სანქციებს არ უერთდები, ეს არ არის სწორი ნათქვამი – შენ, უპირისპირდები სანქციებს. უპირისპირდები იმ საერთო შეთანხმებულ პოლიტიკას, რომელიც აქვს ქვეყნის დეკლარირებულ სტრატეგიულ პარტნიორებს.
რა არის სანქციების ამოცანა? – დღეს, სანქციები არის ერთ-ერთი მთავარი ინსტრუმენტი, რომელიც დასავლეთმა კოორდინირებულად შექმნა იმისთვის, რომ მკვლელი პუტინი და გენოციდი უკრაინაში შეაჩეროს. ამ დროს შენ ამბობ, რომ ამ სანქციების გვერდის ასავლელად შექმნი აქ მშვიდ, მოსალხენ სივრცეს”, – განაცხადა ანა ნაცვლიშვილმა.
ავტორი
ნინი ხიჯაკაძე
