“ღიად მოვითხოვთ პასუხებს, თუ რა ფარული მოლაპარაკებები მიმდინარეობს რუსეთთან!” – ხატია დეკანოიძე

საქართველოს პარლამენტის წევრი, ხატია დეკანოიძე კონკრეტული შეკითხვებით მიმართავს ხელისუფლებას ქვეყანაში განვითარებულ პოლიტიკურ მოვლენებთან მიმართებაში, რაც უკავშირდება რუსეთის მხრიდან სავიზო რეჟიმის გაუქმებას:

,,საქართველოსა და რუსეთის ხელისუფლებას შორის მიმდინარეობს ძალიან აქტიური, რაც ყველაზე მნიშვნელოვანი, საფულისხმო და საგანგაშოა – ფარული კომუნიკაცია. რა თქმა უნდა, ფრენების აღდგენა, საზღვაო ტვირთების გადაზიდვისთვის ახალი, რუსეთისკენ მარშუტების განახლება, ლავროვის ოჯახის წევრების ჩამოსვლა, ვინც არის სანქცირებული, საქართველოს საზღვრის კვეთა – ეს ვერ მოხდებოდა კოორდინაციის გარეშე.

ხაზს ვუსვამ, ეს არის ზუსტად საქართველოს უსაფრთხოების გრძელვადიანი სტრატეგიული ინტერესების და ევროატლანტიკური მომავლისთვის ძირის გამოთხრა.

ღიად მოვითხოვთ პასუხებს, თუ რა ფარული მოლაპარაკებები მიმდინარეობს რუსეთთან! როდის დაიწყო ეს ფარული მოლაპარაკებები? საქართველოს ხელისუფლება საკომუნიკაციოდ რა არხებს იყენებს? ვისი ინიციატივით დაიწყო მოლაპარაკებები?

ძალიან მნიშვნელოვანია. იმიტომ, რომ საქართველოს მოქალაქეებს არც ერთ ეტაპზე წინასწარი ინფორმაცია არ ჰქონიათ, მათ შორის, ფრენების გახსნაზე, საზღვაო ტვირთების მიმოსვლის აღდგენაზე და ასევე, სანქცირებული პირების შემოსვლაზე“, – განაცხადა ხატია დეკანოიძემ.

ავტორი
ნინი ხიჯაკაძე