“დღეს მხოლოდ საუბარი არ არის საკმარისი, სასურველი იქნებოდა კონკრეტული ნაბიჯების გადადგმა და შეწყდეს ნიკა გვარამიას უკანონო პატიმრობა” – სალომე სამადაშვილი

საქართველოს პრეზიდენტს, სალომე ზურაბიშვილს მთავრობის ადმინისტრაციისგან ჯერ კიდევ არ მიუღია თანხმობა ბრიუსელში ვიზიტის განხორციელებასთან დაკავშირებით. თემასთან დაკავშირებით პოლიტიკურ შეფასებას აკეთებს პარლამენტის წევრი, ,,ლელო საქართველოსთვის“ პოლიტიკური მდივანი, სალომე სამადაშვილი:

,,თუ ირაკლი ღარიბაშვილი და ,,ქართული ოცნების“ ხელისუფლება ამას ხელს უშლის, ეს არ არის უბრალოდ პოლიტიკური ნაბიჯი, ეს ეწინააღმდეგება საქართველოს კონსტიტუციას.

პრეზიდენტმა არა მხოლოდ პოლიტიკური რეაგირება უნდა მოახდინოს ამაზე, არამედ მე მას ვურჩევდი, რომ პრემიერ-მინისტრის წინააღმდეგ სამართლებრივადაც იმოქმედოს.

სალომე ზურაბიშვილს ამ ქვეყნისთვის თუ სურს კეთილგანწყობის მოპოვება, დღეს მხოლოდ საუბარი არ არის საკმარისი, სასურველი იქნებოდა კონკრეტული ნაბიჯების გადადგმა და შეწყდეს ნიკა გვარამიას უკანონო პატიმრობა“, – განაცხადა სალომე ზურაბიშვილმა.

ავტორი
ნინი ხიჯაკაძე