“დარწმუნებული ვარ შედეგი იქნება ისეთი, რომ პრეზიდენტი სააკაშვილი გათავისუფლდება” – გიორგი ჩალაძე

,,ერთიანი ნაციონალური მოძრაობის“ პოლიტიკური საბჭოს წევრი, გიორგი ჩალაძე კომენტარს საქართველოს მე-3 პრეზიდენტის, მიხეილ სააკაშვილის სტრასბურგის საქმესთან დაკავშირებით:

,,გეგმა არის შემდეგი, რომ სამართლებრივი ბრძოლა, რომელიც დაწყებულია – ჯერ მისი მხოლოდ ერთი ეტაპია დასრულებული. მეორე ეტაპი არის წინ, მთავარი საჩივრის განხილვა, რომელიც ჯერ არ დაწყებულა.

საქმე უკვე სტრასბურგში მიღებულია და მასზე მუშაობა მიმდინარეობს. დარწმუნებული ვარ, შედეგი იქნება ისეთი, რომელიც შეეფერება საზოგადოებას, რომლისთვისაც ადამიანის უფლებები ძვირფასია და პრეზიდენტი სააკაშვილი გათავისუფლდება.

მოქმედების ამ გეგმაზე ვთანხმდებით არა მხოლოდ ერთი პარტია, არამედ სრული, საღი ადამიანების დიდი ნაწილი, რომელიც ამ ქვეყანაში და მის გარეთაა“, – განაცხადა გიორგი ჩალაძემ.

ავტორი
ნინი ხიჯაკაძე