საპარლამენტო უმრავლესობის წევრი, ალუდა ღუდუშაური პოლიტიკურ შეფასებას აკეთებს ორგანიზაცია ,,გორბის“ მიერ ჩატარებულ კვლევასთან დაკავშირებით და აცხადებს, რომ ,,ქართული ოცნება“ არის ის პოლიტიკური ძალა, რომელსაც მაღალი პოლიტიკური პასუხისმგებლობა გააჩნია:
,,ის, რაც ,,ქართულ ოცნებასთან“ მიმართებაში, ქართველი ხალხის ნდობას უკავშირდება, ეს სრულიად ნათელია. ჩვენ, ბუნებრივია, ვაკეთებთ ყველაფერს გამოწვევების, მათ შორის, გნებავთ შეცდომების ხარჯზე თუ გათვალისწინებით.
თუმცა, ჩვენ ვართ სწორედაც ის მაღალი პოლიტიკური პასუხისმგებლობის მქონე პოლიტიკური ძალა, რომელიც შეცდომებსაც ვაანალიზებთ, ვსწავლობთ და ბუნებრივია, გვაქვს მაღალი პოლიტიკური პასუხისმგებლობა.
ყველა მთავარი – ჩვენ გვიყვარს ჩვენი ქვეყანა, ხალხი და რა თქმა უნდა, ჩვენ ვფიქრობთ საკუთარი ქვეყნის უკეთესს მომავალზე, განსხვავებით აი ამ რადიკალი პოლიტიკური ჯგუფებისა“, – განაცხადა ალუდა ღუდუშაურმა.
ინფომაციისთვის: საზოგადოებრივი აზრის კვლევითმა ცენტრმა, ,,გორბმა“ კვლევა ჩაატარა. რესპოდენტებმა უპასუხეს შეკითხვას: – დღეს რომ ტარდებოდეს საპარლამენტო არჩევნები, რომელ პარტიას მისცემდით ხმას? კვლევის მიხედვით ხმები შემდეგნაირად გადანაწილდა:
,,ქართული ოცნება – დემოკრატიული საქართველო“ – 53%
,,ერთიანი ნაციონალური მოძრაობა – ძალა ერთობაშია“ – 19%
,,ლელო საქართველოსთვის“ – 4%
,,გირჩი – მეტი თავისუფლება“ – 3%
,,ლეიბორისტული პარტია“ – 3%
„საქართველოს პატრიოტთა ალიანსი“ – 2 %
,,სტრატეგია აღმაშენებელი“ – 2%
,,ევროპული საქართველო“ – 2%
,,საქართველოსთვის“ – 2%
„მოქალაქეები“ – 2 %
„ახალი პოლიტიკური ცენტრი“ – გირჩი 1 %
სხვა პარტიები – 7 %