“სამწუხარო და სევდიანია, რომ მძიმე ომში მყოფი ქვეყნის პოლიტიკური პირი იცლის იმისთვის, რომ საქართველოს შიდა პოლიტიკურ საკითხებზე გააკეთოს განცხადებები” – არჩილ თალაკვაძე დავით არახამიაზე

საქართველოს პარლამენტის თავმჯდომარის მოადგილე, არჩილ თალაკვაძე კომენტარს აკეთებს უკრაინის უმაღლესი რადას ფრაქცია “ხალხის მსახურის” თავმჯდომარის, დავით არახამიას განცხადება-შეფასებებზე საქართველოსთან დაკავშირებით:

,,სამწუხარო და სევდიანია, რომ მძიმე ომში მყოფი ქვეყნის პოლიტიკური პირი, მაღალჩინოსანი – იცლის იმისთვის, რომ საქართველოს შიდა პოლიტიკურ საკითხებზე გააკეთოს განცხადებები.

რაც კიდევ ერთხელ მიუთითებს, პირადად ეს ადამიანი რამდენად დაცილებულია იმ პრობლემებს, რეალურ ინტერესებს და საჭიროებებს, რომელიც სამწუხაროდ ომში მყოფ უკრაინელ ხალხს დღეს აქვს იმ ფონზე, როდესაც ჩვენ განვაგრძობთ უკრაინის უპირობო და მტკიცე მხარდაჭერას”, – განაცხადა არჩილ თალაკვაძემ.

ავტორი
ნინი ხიჯაკაძე