“ადამიანი, რომელიც იყო შემოქმედი ამ ყველაფრისა, აი აქ და ასეთ მდგომარეობაშია – ეს მიმაჩნია ძალიან დიდ უსამართლობად” – გიული ალასანია აჭარის რევოლუციის წლისთავზე

კლინიკა “ვივამედში” მონახულების შემდეგ, საქართველოს მე-3 პრეზიდენტის მძიმე ჯანმრთელობის მდგომარეობის შესახებ კომენტარს აკეთებს გიული ალასანია და ასევე, საუბრობს აჭარის რევოლუციასთან დაკავშირებით, თუ როგორ გადაიქცა ეს რეგიონი აქტიურ ტურისტულ ზონად მიხეილ სააკაშვილის ძალისხმევით:

,,მისი ჯანმრთელობის მდგომარეობა მძიმეა.

მე მაინც მინდა დავიწყო გუშინდელი დღით, აჭარის რევოლუციის წლისთავი მინდა, ყველას მივულოცო იმიტომ, რომ ძალიან კარგად მახსოვს, რას წარმოადგენდა აჭარა მანამდე და შემდეგ რა მოჰყვა რევოლუციას.

ძალიან მნიშვნელოვანი მოვლენა იყო, რომელმაც ტურიზმის გააქტიურება მოგვიტანა. საერთოდ არანაირი ტურიზმი არ იყო, გაჩნდა და შემდეგ გააქტიურდა. ახლა როგორ ვამაყობ, რომ ბათუმი მსოფლიოში ცნობილი გახდა.

ადამიანი, რომელიც იყო შემოქმედი ამ ყველაფრისა, აი აქ და ასეთ მდგომარეობაშია – ეს მიმაჩნია ძალიან დიდ უსამართლობად.

ყოველი მისი წამოწევა, მოძრაობა მე ძალიან მაშინებს იმიტომ, რომ გაფრთხილებულიც ვართ, რომ დაცემის შემთხვევაში შეიძლება გადაუტყდეს ძვლები, რომელიც მერე აღარ შეხორცდებაო…“, – განაცხადა გიული ალასანიამ.

ავტორი
ნინი ხიჯაკაძე