“იუსტიციის მინისტრი არაერთხელ გამოსულა, ყოველგვარი კანონების დაცვის გარეშე აჟღერებს და უშვებს კადრებს – ახლა ადგეს და გაასაჯაროვოს ეს კადრები” – შალვა ხაჭაპურიძე

საქართველოს მე-3 პრეზიდენტი კლინიკა ,,ვივამედში” ადვოკატმა, შალვა ხაჭაპურიძემ მოინახულა და მიხეილ სააკაშვილი გონების კარგვის ეპიზოდთან დაკავშირებით პენიტენციურ სამსახურს შესაბამისი კადრების გავრცელებისკენ მოუწოდა:

,,მიხეილ სააკაშვილმა მომიყვა ის ფაქტი, რაც მოხდა. მანახა ის მაგიდა. რაზეც ვფიქრობდი ზუსტად ის მაგიდა არის. ამ მაგიდას აქვს რკინის კონსტრუქცია. მანახა ადგილი, სადაც თავი დაარტყა. არის უმძიმეს მდგომარეობაში.

რაც მთავარია – მას არ უტარდება არანაირი ისეთი მკურნალობა, რომელიც მისი ჯანმრთელობის მდგომარეობას გააუმჯობესებს.

ზოგადად, ვიზუალური დაზიანება მას აღენიშნება, მაგრამ მე არ ვარ ექსპერტი და ხარისხს ვერ განვსაზღვრავ.

პენიტენციურ სამსახურს აქვს კადრები. იუსტიციის მინისტრი არაერთხელ გამოსულა, ყოველგვარი კანონების დაცვის გარეშე აჟღერებს და უშვებს ამ კადრებს – ახლა ადგეს და გაასაჯაროვოს ეს კადრები“, – განაცხადა შალვა ხაჭაპურიძემ.

ავტორი
ნინი ხიჯაკაძე