კლინიკა ,,ვივამედის“ კლინიკური დირექტორის, ზურაბ ჩხაიძის განცხადებაზე, საქართველოს მე-3 პრეზიდენტის ჯანმრთელობის მდგომარეობასთან დაკავშირებით, საპასუხო კომენტარს აკეთებს ,,ერთიანი ნაციონალური მოძრაობის“ პოლიტიკური საბჭოს წევრი, მიხეილ სააკაშვილის გათავისუფლების შტაბის ხელმძღვანელი გიორგი ჩალაძე:
,,ბატონ ზურასთან დაკავშირებით მე ერთხელ განცხადება გავაკეთე, რომ მან პოლიტიკური განცხადებები უნდა გააკეთოს და მის პოლიტიკურ მომავალს ვხედავ. ის ზუსტად იგივე მესიჯზეა დამჯდარი, რაზეც ,,ქართული ოცნების“ წარმომადგენლები. ,,სუს“-ი მას რითი აშანტაჟებს, მე ამაზე არ მინდა საუბარი.
ბატონი პრეზიდენტის გუშინდელი გონების კარგვის ეპიზოდი არის უკვე რეგულარული ხასიათის. ეს არის ის, რაც დაწერილი იყო სახალხო დამცველის და სხვა ექსპერტების დასკვნებში, რომ ასე მოხდებოდა. უკვე რეგულარული ხასიათი მიიღო.
ამ სიტუაციიდან გამოსავალი არის ერთი – ვიდრე პრეზიდენტი იმგვარად დაკარგავს გონებას, რომ მისი ჯანმრთელობის მდგომარეობა შეუქცევად პროცესებში ჩაერთვება, უნდა გავიდეს ქვეყნიდან. ეს უნდა მოხდეს მალე“, – განაცხადა გიორგი ჩალაძემ.
ავტორი
ნინი ხიჯაკაძე
