საქართველოს მე-3 პრეზიდენტი სოციალურ ქსელში აქვეყნებს პოსტს, სადაც წერს მისი მორიგი გონების კარგვის ეპიზოდზე. ფაქტთან დაკავშირებით ჟურნალისტებთან განცხადება-განმარტება გააკეთა კლინიკა ,,ვივამედის“ კლინიკურმა დირექტორმა ზურაბ ჩხაიძემ:
,,პაციენტის მდგომარეობა, კლინიკური მიმდინარეობა ამ დღეების განმავლობაში არ შეცვლილა. ყველა პარამეტრი, ეს იქნება ჰემოდინამიკური თუ რესპირატორული მაჩვენებლები, არის ნორმის ფარგლებში.
რაც შეეხება გუშინდელ ეპიზოდს, მე შემიძლია გითხრათ, რომ ჩვენ ეს ვიცით პაციენტის გადმოცემით, როგორც მან აღნიშნა – ადგილი ჰქონდა ვარდნას, მაგრამ სამედიცინო პერსონალის მიერ ეს არ დასტურდება. არც საშუალო მედპერსონალის და არც ექიმის მიერ. საშუალო მედპერსონალმა ნახა, ასევე ექიმმა, როგორც მორიგე პერსონალი გადმოგვცემს – გონების კარგვას ადგილი არ ჰქონია.
პაციენტის გადმოცემით იყო გონების კარგვა. ამიტომ მე ამას ვერც დავადასტურებ, ვერც უარვყოფ.
რაც შეეხება რკინის მაგიდას – პაციენტი, რომელიც იმყოფება ლუქს პალატაში, რკინის მაგიდა იქ პრაქტიკულად არ დგას და არ არის იმ სივრცეში. არანაირი დაზიანება არ ეტყობა, გარეგანი დათვალიერებით, არანაირი დაზიანების კვალი არ არის.
თქვენ იცით, რომ იქ კანონიერად ხდება 24 საათის განმავლობაში ჩაწერა, არსებობს კადრები და შეგიძლიათ მიმართოთ. კადრების ჩაწერას აწარმოებს პენიტენციური სამსახური.
გონების კარგვის ეპიზოდი კადრებში არ ჩანს…“, – განაცხადა ზურაბ ჩხაიძემ.
ავტორი
ნინი ხიჯაკაძე
