აქონდროპლაზიის დაავადების მქონე ბავშვების მშობლების უწყვეტი პროტესტი მთავრობის ადმინისტრაციის შენობასთან ერთ კვირაზე მეტი ხანია გრძელდება. ერთ-ერთი მშობელი, მაკუნა გოჩიაშვილი განცხადებას აკეთებს, ჯანდაცვის მინისტრის მოადგილეს, თამარ გაბუნიას მიმართავს და დედებთან მისვლას სთხოვს კონკრეტული პასუხით:
,,მოვუწოდებთ ქალბატონ თამარს მობრძანდით, პირადად დაასრულეთ თქვენი სიტყვები, რასაც ჩვენ ვიგებთ ტელევიზიებიდან, რომ აუცილებელია ეს პრობლემა მოგვარდეს და გადაიდგას ნაბიჯები.
შთაბეჭდილება მრჩება, რომ ეს არის უბრალოდ ხალხის მოსატყუებლად გაკეთებული განცხადება, რადგან ჩვენამდე არ მოდის თქვენი მზაობა. თქვენ ჩვენ არ გვეუბნებით, რომ მზად ხართ.
ასე რომ – მობრძანდით! ჩვენ თქვენს კართან ვართ, თქვენ კარს არ გვიღებთ. ტელევიზიიდან ვიგებთ, რომ თურმე აუცილებლად უნდა გადავიდეთ დიალოგის რეჟიმზე. ასე, რომ გთხოვთ, დასრულდეს ეს გასროლილი ფრაზები და მობრძანდით, გამოდით ჩვენთან კომუნიკაციაზე, დედები გელოდებით!“, – განაცხადა მაკუნა გოჩიაშვილმა.
ავტორი
ნინი ხიჯაკაძე
